ગુજરાત 11 જૂનથી ચોમાસાનું સત્તાવાર આગમન થશે તેવી આગાહી કરતાં હવામાન વિભાગે જણાવ્યું છે કે આગામી 5 દિવસ સૌરાષ્ટ્ર અને દક્ષિણ ગુજરાતમાં વરસાદની આગાહી કરી છે. બે દિવસમાં સંપૂર્ણ મહારાષ્ટ્રમાં ચોમાસાનું આગમન થઇ જશે. બીજી તરફ પાંચ દિવસ સુધી વરસાદી માહોલ રહે તેવી શક્યતાઓ પણ ગણવામાં આવી છે. ત્યારે રાજ્યનાં અનેક વિસ્તારોમાં પ્રીમોન્સુન એક્ટિવિટી શરૂ થઇ ગઇ છે. જેના કારણે હજી પાંચ દિવસ અનેક વિસ્તારોમાં હળવાથી મધ્યમ વરસાદની આગાહી કરવામાં આવી છે. જ્યારે 10 જૂન દરમિયાન બંગાળની ખાડીમાં એક લો પ્રેશર સિસ્ટમ સક્રિય થવાને કારણે છત્તીસગઢ, ઓરિસ્સા, મધ્યપ્રદેશ થઇ ગુજરાતમાં વરસાદ થશે. સાઉથ-વેસ્ટ મોન્સૂન અને બંગાળની ખાડીની હળવા દબાણની સિસ્ટમથી અરબી સમુદ્ર ઉપર 10 જૂન બાદ દક્ષિણ પશ્ચિમી પવનો વધુ સક્રિય થશે. જેથી 11થી 13 દરમિયાન સુરત સહિત દક્ષિણ ગુજરાતમાં સારો વરસાદ થવાની શક્યતા છે હાલ દક્ષિણ-પશ્ચિમ રાજસ્થાનમાં સાઇક્લોનિક સરક્યુલેશન સક્રિય થયું છે, જેની અસરોથી ગુજરાતમાં ગરમ પવનનું જોર વધતાં ગરમીની સાથે બફારાનો અનુભવ થઇ રહ્યો છે. 11 જૂનથી બંગાળની ખાડીમાં લો-પ્રેશર સક્રિય થશે, જેને કારણે 14 જૂન સુધી દક્ષિણ ગુજરાતમાં અને 15થી 25 જૂન વચ્ચે ગુજરાતમાં ચોમાસાનો પ્રારંભ થવાની સંભાવના હવામાન વિભાગે વ્યક્ત કરી છે. હવામાન વિભાગે જણાવ્યું છે કે, ગુરુવારે દમણ,આણંદ, ખેડા, ગીર સોમનાથ, જુનાગઢ, ભાવનગર, અમરેલી, રાજકોટ, કચ્છ, દીવમાં આગાહી છે.

ફોર્ચ્યુન ઈન્ડિયા મેગેઝીનમાં યુવાનની પસંદગી
શાશ્વત નાકરાણી દિલ્હીમાં ભારત પે નામની ડિજિટલ પેમેન્ટ કંપની ચલાવી રહ્યો છે
શહેર અને સમગ્ર ગુજરાતની ગૌરવપ્રદ એક ઘટનામાં ફોર્ચ્યુન ઈન્ડિયા મેગેઝીનના 40 ઉદ્યોગ સાહસિકો કે જેઓ 40 વર્ષની નીચેના હોય અને પોતાના ક્ષેત્રમાં સફળ થયા હોય તેમાં શાશ્વત નાકરાણીને સ્થાન મળ્યું છે. શાશ્વતની ઉંમર માત્ર 22 વર્ષ છે અને હાલ દિલ્હીમાં હેડ ક્વાર્ટર બનાવીને ગૂગલ પે જેવી કંપનીને ટક્કર આપતી ભારત પે ડિજિટલ પેમેન્ટ કંપની ચલાવી રહ્યો છે.

હાલમાં ફોર્ચ્યુન ઇન્ડિયા દ્વારા આ ઉદ્યોગ સાહસિકોના નામ જાહેર કરવામાં આવ્યા છે.કંપનીનું હેડ ક્વાર્ટર દિલ્હીમાં છે અને પૂરા દેશના 130 કરતા પણ વધુ શહેરોમાં કામ કરે છે.અમેરિકા, સિંગાપોર સહિતની નામાંકિત કંપનીઓએ નાણાં રોક્યા છે. 3 પૈકી 2 ફાઉન્ડર ભાવનગર શહેરના છે તેમજ મોટાભાગની ટેક ટીમ પણ જ્ઞનમાંજરી એન્જિનિયરિંગ કોલેજ, ભાવનગરના વિદ્યાર્થીઓથી બનેલી છે.ડિજિટલ પેમેન્ટ, ડિપોઝિટ અને લોન એ મુખ્ય છે. પેટીએમ, ગૂગલ પે, ફોન પે જેવી ડિજિટલ પેમેન્ટ કંપનીઓની જેમ ભાવનગરના આ દિકરાની કંપની પણ સમગ્ર દેશમાં 3 વર્ષ દરમિયાન સ્પર્ધામાં ટકી રહી છે અને પોતાની મહેનતના જોરે સફળતા પ્રાપ્ત કરી છે

ગુજરાતમાં ધીમા રસીકરણ વચ્ચે આવતીકાલથી રાજ્યના તમામ જિલ્લામાં 18થી 44ની વય જૂથના લોકોને વેક્સિન આપવામાં આવશે. ગુજરાતમાં રસીકરણને વેગવંતું બનાવવા દરરોજ સવા બે લાખ ડોઝ આપવાનો નિર્ણય મુખ્યપ્રધાન વિજયભાઇ રૂપાણી દ્વારા લેવામાં આવ્યો છે.મુખ્યપ્રધાનના જણાવ્યા અનુસાર, ગુજરાત સરકારે જે ત્રણ કરોડ ડોઝની વ્યવસ્થા કરી હતી તે અંતર્ગત રાજ્યના તમામ 33 જિલ્લાના 1200 કેન્દ્રો પર રસીકરણ શરૂ કરવામાં આવશે. ઉલ્લેખનીય છે કે, અગાઉ ફક્ત 10 જિલ્લામાં જ 18 વર્ષથી વધુ વયના લોકોને રસી આપવામાં આવતી હતી.ગુજરાત સરકારના અંદાજ મુજબ રાજ્યમાં 18થી 45 વર્ષની વયજૂથના 3.25 કરોડ નાગરિકો છે. ગુજરાત સરકાર દ્વારા રાજ્યમાં 1 મે થી 18 વર્ષથી વધુ વયના લોકોનું રસીકરણ શરૂ કરવામાં આવ્યું છે. કોરોના સામેની લડાઇમાં રસીકરણ ખૂબ જ મહત્ત્વનું હોવાથી રાજ્ય સરકાર દ્વારા રસીકરણને વધારવા માટે સતત પ્રયાસો કરવામાં આવી રહ્યા છે. તેવામાં હવે મુખ્યપ્રધાન રૂપાણી દ્વારા મહત્ત્વનો નિર્ણય લઇને રાજ્યના તમામ જિલ્લાઓમાં 18 વર્ષથી વધુ વયના લોકો માટે રસીકરણ શરૂ કરવામાં આવશે. રાજ્યમાં અત્યાર સુધીમાં 1.75 લાખ લોકોનું રસીકરણ કરવામાં આવ્યું છે, તેવામાં હવે આવતીકાલથી દરરોજ સવા બે લાખ લોકોનું રસીકરણ કરવામાં આવશે.વીતેલા 24 કલાક દરમ્યાન ગુજરાતમાં 1,75,359 લોકોનું રસીકરણ કરવામાં આવ્યું હતું, જેમાં 18-45 વર્ષ સુધીના 98288 વ્યક્તિઓના પ્રથમ ડોઝનું અને 4પ વર્ષથી વધુ ઉંમરની 43082 વ્યક્તિઓના પ્રથમ ડોઝની રસીનો સમાવેશ થાય છે. આમ, ગુજરાતમાં અત્યાર સુધીમાં કુલ 1,76,39,673 વ્યક્તિનું પ્રથમ ડોઝનું રસીકરણ થયું છે.ઉલ્લેખનીય છે કે, કોરોના વાયરસ સામેની લડતનું મુખ્ય શત્ર એવું રસીકરણ હવે વેગ પકડે એવી આશા છે. છેલ્લા ઘણા સમયથી ગુજરાતમાં 18થી 44 વર્ષના લોકોને રસીકરણ ધીમી ગતિએ ચાલી રહ્યું છે.