એક’દી ચાલ્યો હું સવારે
નદી-નદી તટ ચાલતો આરે
મંદ પવન મન-મન હરખારે
પુલક-પુલક તન આજ થારે
સુંદર જંગલ મંગળ દેખું
બાગ-બગીચા ઉપવન નીરખું
કળ- કળ ઝરણાં મીઠાં ભાખું
કુદરત નાં અમૃત ફળ ચાખું
બૈઠા ઘરડા ત્યાં જોયા બાપો
આંખલડીએ અંધાપા નો છાપો
ખોદતા ધરા માં પાડતા ખાંપો
વાવતા ગોટલી આંબા નો રોપો
ચડી મશ્કરી યુવા લોહી માં
વાત પુછી હેલ-ફેલ હલકટ માં
શું વાવો ધરતી ના પટ માં ?
મહેનત કરો ખોટી નફફટ માં
ક્યારે ઉગશે ક્યારે ફળશે
આંબા નું ફળ તમને ના મળશે
કાલે તમારૂં જીવન ખળશે
ખાખ કાયા માટી માં ભળશે
વાત કરી દીકરા તેં હાચી
તારી વાત મતી છે કાચી
ભલે તેં ચાર ચોપડીઓ વાંચી
જગ સુખ જોઈ મૈં આંખો મીચી
વાવતો હું સંસાર ને માટે
મુજ સ્વારથ નહીં તારા માટે
ખાજો ફળ તમે મારા હાટે
મીઠો રસ તુજ છોરાં ચાટે
ના વાવું ફળ ઝાડ જો મીઠાં
જંગલ થાય રણ જેવાં દીઠાં
ફળતાં ફળ પડતાં જો હેઠાં
ધન્ય બાપ વેણ બોલશે મીઠાં
વૃક્ષ દેવ છે વૃક્ષ છે ઉજળું
ખોલ દીકરા મગજ નું તાળું
છોડ માં રણછોડ ને ભાળું
જા બેટા કરી આવ તૂં વાળું
જયંતી લાલ એમ. છાભૈયા
ગામ. રણજીતપુરા હાલે. વડોદરા
મો. 94281 84968